सजाय - भगवान अर्याल

नसुधार बानी व्यवहार, खानपिन र विचार

सर्वोच्च तिमी मनुवा, गर हिंसा र अत्याचार

उड़ आकाशमा घमण्डले, भई प्रकृति भन्दा पर

ईबोला कोरोना हान्ता, केको छ र फ़िकर ?

खाऊ किरा सर्प कुकुर, चमेरो मुसा र बाँदर

जिउँदै पोल्दै लुछ्दै, आँसु रगतमा चोपेर

रोदन त्यो अबलाको, तिमीले किन सुन्छौ र?

मानिस तिमी महान, अधिकारले गर काटमार ।।

जीवहत्याको पापमा, कोको छन् भागीदार ?

बालक युवा वृद्ध, स्त्री पुरूष किन्नर

पापको अग्निकुण्डमा, सबै हुनेछन् सोत्तर

ताण्डव मच्चाउँदा प्रकृतिले, मानिस काँप्नेछ थरथर ।।